Íspinnar fyrir fullorðna
Ómægod þessir eru svo skemmtilegir. Íspinnar með Limocello fyrir fullorðna. Frábærir í garðveisluna, sem dessert eftir góðan grillmat, nú eða bara til að njóta fyrir framan sjónvarpið.
Hráefni
2 bollar rjómi
1/2 bolli hrásykur
Sjávarsalt
1/4 bolli Limoncello Atlantico
Fínt rifinn börkur af tveimur sítrónum
Safi úr tveimur sítrónum
Aðferð
Blandið saman rjóma, sykur og klípu af salti í pott á meðalhita í um 5 mínútur
Takið pottinn af hellunni og látið kólna í um 10 mínútur
Bætið við Limoncello, sítrónusafa og sítrónubörk, hrærið vel og hellið í íspinnamót
Geymið pinnana í frystinum í um 10-24 tíma áður en þeir eru bornir fram